- 40 -

1343. Juni 8.

In nomine domini amen. Sub anno nativitatis eiusdem Millesimo Trecentesimo Quadragesimo tercio, Indiccione xj. vj. Idus Junij, Hora quasi vesperarum, In Claustro sororum sub fratrum Predicatorum regula professarum ante Cancellum fenestre ubi dicte sorores cum hominibus loqui communiter consueverunt, In presencia mei Notarij et Testium subscriptorum Nobilis et devota virgo domicella Evfemia Soror Illustris Principis Domini Lestkonis felicis recordacionis quondam Ducis Rathiboriensis, Priorissa Sororum in Rathibor predictarum, quoddam Instrumentum Generosi principis domini Nycolai Oppauiensis et Rathiboriensis Ducis terrarum cum appendenti sigillo michi Notario infra scripto tradidit et petivit sibi idem instrumentum sub publica manu copiari, cuius quidam (sic) Instrumenti tenor talis erat. Nycolaus etc. wie XXXVI. bis gloriose. Sigillum vero erat de cera glauca, pendens in filis sericeis rubei coloris, figura rotunda erat, in circumferencia has representans litteras: Sigillum Nycolai dei gracia ducis Oppauie. In medio vero sigilli ymago virilis galeata et armis amicta, gladium in manu dextera erectum tenens et in sinistra Clipeum bipartitum, sedens in dextrario vallera quooperto sculpta erat. A tergo vero illius sigilli minus sigillum de viridi cera inpressum erat, In cuius circumferencia littere tales aparebant. S. inter duo puncta, alie littere sequntur: Nycolai ducis Oppauie et Rathiborie. In medio autem sigilli clipeus bipartitus in acie cuius galea, in cacumine habens quasi duo cornua semicirculariter erecta, erat sculptus, quo quidam (sic) Instrumento perlecto et una cum (sigillo) ipsi apenso diliencius perspecto et examinato, nec cuiusdam falsitatis vicio deprehensis, sepe dicta domicella Evfemia a me Notario infra scripto sibi sub publica manu hoc Instrumentum petivit ingrosari. Actum et Datum Anno Mense Indiccione die hora et loco quibus supra, Presentibus dominis Gerlaco canonico sancti Thome Castri Rathiboriensis, Thilone Preposito Hospitalis prope Rathibor, Johanne viceplebano Priore ordinis fratrum Predicatorum in Rathibor, Laurencio Plebano in Ribnic, Et alijs fidedignis. De duabus litteris c et e inter liniaribus circa hanc diccionem domicelle michi Notario patet. Preterea de istis proprijs scilicet Oppauie et Rathiborie per me propter congruitatem mutatis in Oppauiensis et Rathiboriensis michi notario similiter patet
(Signum Notarii)
Et ego Petrus quondam Gotfridi de Rathibor Clericus Wratisslauiensis dyocesis, Publicus Imperiali auctoritate Notarius omnibus premissis et singulis una cum prenominatis testibus presens interfui et ea rogatus in hanc Publicam formam redegi meoque nomine et singno Solitis consingnavi in testimonium premissorum.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.